अकोला ते पंढरपूर ‘आषाढ एकादशी उत्सव’ विशेष गाडी धावणार अकोल्यासह पंचक्रोशीतिल जनतेने लाभ घ्यावा
आम सावरकर
बाळासाहेब नेरकर कडून
अकोला
महाराष्ट्रात ‘आषाढ एकादशी’ हा एक महत्त्वाचा सण आहे आणि संपूर्ण महाराष्ट्रात मोठ्या प्रमाणावर साजरा केला जातो.
लाखो वारकरी पंढरपूरला जाऊन विठ्ठल रुक्माई ला साखळी घालून चातुर्मास ला सुरुवात करतात व भक्ती भावाने भरपूर पाऊस येऊन शेतकरी व सर्वसामान्य नागरिक सुखी संपन्न व्हावी असे प्रार्थना करतो.
यंदा आषाढ एकादशी 29 जून रोजी येत आहे. मंदिराजवळील दिंड्यांमध्ये दिंडीमध्ये सहभागी होण्यासाठी यात्रेकरू प्रवासी मोठ्या संख्येने पवित्र नगरी पंढरपूरकडे जाणार आहेत. त्यानुसार, या यात्रेकरू प्रवाशांच्या प्रवासाच्या गरजा पूर्ण करण्यासाठी, दक्षिण मध्य रेल्वे, नांदेड विभागातील चार महत्त्वाच्या स्थानकांवरून म्हणजे नांदेड, जालना, औरंगाबाद आणि आदिलाबाद येथून विशेष गाड्या चालवणार आहे.
विधर्भातून हि पंढरपूर ला जाणाऱ्या वारकऱ्यांची मागणी लक्षात घेवून दक्षिण मध्य रेल्वे, नांदेड विभागाने अकोला ते पंढरपूर आणि पंढरपूर ते अकोला अशी विशेष गाडी चालविण्याचे ठरविले आहे.
माजी केंद्रीय राज्यमंत्री व खासदार संजय भाऊ धोत्रे यांच्या प्रयत्नाने तीन वर्षापासून सुरू झालेली ही परंपरा यंदाही सुरू असून अकोला पंचकोशीतील जनतेने या सुविधेचा लाभ घ्यावा असे आव्हान भाजपा प्रदेश सरचिटणीस आमदार रणधीर सावरकर यांनी केले आहे. रेल्वे प्रशासनाने नागपूर पंढरपूर अकोला पंढरपूर खामगाव पंढरपूर अमरावती पंढरपूर अशा गाड्या सुरू करून पंतप्रधान नरेंद्र मोदी यांच्या नेतृत्वाखाली सबका साथ सबका विकास सबका प्रयासाने संस्कृती संवर्धनाचे कार्य सातत्याने सुरू आहे याबद्दल पंतप्रधान नरेंद्र मोदी व रेल्वेमंत्री अश्विनी वैष्णव रेल्वे प्रशासन तसेच खासदार संजय भाऊ धोत्रे यांचे अभिनंदन आभार अकोला भाजपाच्या वतीने आमदार रणधीर सावरकर विजय अग्रवाल आमदार प्रकाश भारसाकळे, आमदार गोवर्धन शर्मा आमदार वसंत खंडेलवाल आमदार हरीश पिंपळे आमदार राजेंद्र पाटणी आमदार लखन मलिक अर्चना मसने यांनी केले आहे
पुढील प्रमाणे :
या विशेष गाड्यांना लोकांच्या गरजा पूर्ण करण्यासाठी 01 एसी III-टियर, 09 स्लीपर आणि 07 जनरल सिटिंग, 02 एस.एल.आर असे 19 डब्बे जोडण्यात आले आहेत.
विशेष रेल्वे सेवांचे तपशील खाली दिले आहेत –
अनु क्र. गाडी क्र. पासून-पर्यंत प्रस्थान आगमन
दिनांक (दिवस) वेळ दिनांक वेळ
1 07505 अकोला-पंढरपूर 27.06.2023 (मंगळ) 11.00 28.06.2023 (बुध) 09.20
2 07506 पंढरपूर-अकोला 28.06.2023 (बुध) 21.50 29.06.2023 (गुरु) 19.45
1. गाडी क्रमांक 07505 अकोला ते पंढरपूर विशेष गाडी:-
ही विशेष गाडी अकोला येथून 27 जून ला सकाळी 11.00 वाजता सुटेल आणि वाशीम, हिंगोली, बसमत, पूर्णा, परभणी, गंगाखेड, परळी वैजनाथ, पानगाव, लातूर रोड, उदगीर, भालकी, बिदर, जहिराबाद, विकाराबाद, तांदूर, सेदाम, चीत्तपूर, वाडी, कलबुर्गी, सोलापूर, कुर्डूवाडी मार्गे पंढरपूर येथे दिनांक 28 जून ला सकाळी 09.20 वाजता पोहोचेल.
2. गाडी क्रमांक 07506 पंढरपूर- अकोला विशेष गाडी:-
ही विशेष गाडी पंढरपूर येथे दिनांक 28 जून ला रात्री 21.50 वाजता सुटेल आणि कुर्डूवाडी, सोलापूर, कलबुर्गी, वाडी, चीत्तपूर, सेदाम, तांदूर, विकाराबाद, जहिराबाद, बिदर, भालकी, उदगीर, लातूर रोड, पानगाव, परळी वैजनाथ, गंगाखेड, परभणी, पूर्णा, बसमत, हिंगोली, वाशीम मार्गे अकोला येथे दिनांक 29 जून ला रात्री 19.45 वाजता पोहोचेल.
या विशेष गाड्यांमध्ये फर्स्ट एसी, एसी II टियर, एसी III टियर, स्लीपर क्लास आणि जनरल सेकंड क्लास डबे असतील.
सोबत – गाड्यांचे वेळापत्रक
