उन्हाळी सुट्टी बाहेरगावी घालवण्यासाठी घर सुरक्षित ठेवून जावे
अनोळखी व्यक्ती आढळल्यास पोलीस प्रशासनाशी संपर्क साधावा ठाणेदार संतोष ताले याचे नागरिकांना आवाहन
दर्यापूर तालुका विशेष प्रतिनिधी गौरव टोळे
उन्हाळी सुट्टी सुरू झाल्याने बाजारपेठेत व बसस्थानकावर मोठी गर्दी होत आहे. या गर्दीमध्ये मोबाइल, सोन्याचे दागिने, पैसे चोरीला जाऊ नयेत म्हणून पोलिसांकडून उपाययोजना करण्यात येत आहेत.तरी सुद्धा नागरिकांची सतर्क असणे तितकेच महत्त्वाचे नागरिकांनी खरेदीला जाताना सावधानता बाळगण्याचे आवाहन दर्यापूर पोलीस प्रशासनाने केले आहे. त्याचबरोबर पोलिस स्टेशनकडून नागरिकांमध्ये जागृती करण्यात येत आहे. फेसबुक, व्हॉट्सअपद्वारे सावधानतेच्या सूचना देण्यात येत आहे. खरेदीला जाताना बाजारात जातांना मोबाइल शर्टच्या खिशामध्ये ठेवू नये. शर्टच्या खिशातील मोबाइल चोरणे सहज सोपे आहे. महिलांनी सोन्याचे दागिने घालून खरेदीसाठी जाऊ नये. दुचाकी, चारचाकी वाहन सुरक्षित ठिकाणी पार्किंग करावे. सीसीटीव्ही कॅमेरे असलेल्या ठिकाणी वाहन पार्किंग करावे. आपल्या वाहनाऐवजी रिक्षाचा वापर करावा. पैसे सांभाळून ठेवावे. खरेदी केलेल्या साहित्याची बॅग आपल्या जवळ बाळगावी, इतरत्र बॅग ठेवून दुसरी खरेदी करण्य़ासाठी जाऊ नये. कोणीही व्यक्ती किंवा संशयास्पद वस्तू दिसून आल्यास जवळच्या पोलिस स्टेशनला तत्काळ संपर्क साधावा. लहान मुलांना गर्दीत एकटे सोडू नये. लहान मुले, स्त्रिया खिसे कापण्यासाठी, मोबाइल चोरण्यासाठी सक्रीय झालेल्या आहेत. त्यांच्यापासून सावधानता बाळगावी, असे आवाहन दर्यापूर पोलिसांनी केले आहे. उन्हाळ्याच्या दिवसात ऑनलाइन खरेदी करताना फसवे मॅसेज येत असतात. अशा मेसेजला उत्तर म्हणून आपल्या बँकेचे खाते क्रमांक किंवा एटीएम कार्डची माहिती, ओटीपी पाठववून फसवणूक होऊ नये म्हणून दक्षता घेण्याचे आवाहन पोलिस प्रशासनाने केले आहे. उन्हाळ्यामध्ये बाहेरगावी जाताना घरही सुरक्षीत ठेवा उन्हाळ्याच्या सुट्ट्यांमध्ये घरमालक घर बंद करून बाहेरगावी, नातेवाइकांकडे जातात. त्या काळात बंद घरे फोडून चोऱ्य़ा होतात. या चोऱ्या टाळण्यासाठी घरामध्ये दागिने, पैसे ठेवू नयेत. बाहेरगावी जात असताना शेजारी राहत असलेल्या व्यक्तीला, नातेवाइकाला घरावर लक्ष ठेवण्यासाठी सांगावे, त्याचबरोबर पोलीस स्टेशनला रीतसर अर्ज देणे महत्त्वपूर्ण ठरेल अशा सूचना दर्यापूर पोलिसांच्या वतीने ठाणेदार संतोष ताले यांनी केल्या आहेत.
